"Мамыр айында той": Жанар Айжанованың қызы тұрмысқа шығады

Танымал әнші Жанар Айжанованың қызы Айжұлдыз Адайбекованың тұрмысқа шығатын уақыты белгілі болды. Бұл туралы Сәкен Қағаров блогер Бейбіт Әлібековтің жобасына берген сұхбатында мәлімдеді, деп хабарлайды POLITICO.KZ Мadeniportal.kz порталына сілтеме жасап.

Сәкеннің айтуынша, олар Айжұлдыз екеуі былтырғы күзден бері бірге тұрып келеді. Қыста неке қидырып, көктемде, нақтырақ айтқанда, мамыр айында үлкен той өткізуді жоспарлап отыр.

«Соңғы бес жыл бойы шынайы махаббатымды іздедім. Бір жарнамада Айжұлдызды көріп, ғашық болдым. Оның бұрын ажырасқаны және баласы бары мен үшін маңызды болмады. Керісінше, болашақта тағы бір сәби сүйсек, екеуі бір-біріне серік болады деп ойлаймын. Қазір біз бірге тұрып жатырмыз, оның өз пәтері бар екенін де айта кету керек. Қыста некемізді қидырдық, ал мамыр айында үлкен той жасаймыз», – деді Сәкен Қағаров.