The Spectator: Зеленский Путинге өлім тілегені үшін өкінуі мүмкін

Владимир Зеленскийдің Владимир Путиннің өлімін тілеген мәлімдемесі халықаралық саясатта күтпеген салдарға әкелуі мүмкін, деп жазады британдық The Spectator басылымының шолушысы Марк Галеотти, деп хабарлайды POLITICO.KZ.

Автордың пікірінше, 2013 жылдан бері Ресей президентінің денсаулығына қатысты түрлі қауесеттер айтылып келеді. «Путин Паркинсонмен ауырды, рагы бар, инсульт алған» деген ақпараттар үнемі қайталанғанымен, ешқайсысы дәлелденбеген.

«Зеленский өзін Путинмен салыстырып, “бункердегі қария” деп атауы мүмкін, бірақ бұл сөздер қауесетті күшейтіп, шын мәнінде, Батыс елдерінің әрекетсіздігін ақтауға себеп болуы мүмкін», – дейді Галеотти.

Сарапшының айтуынша, егер Батыс Путиннің жақын арада қайтыс болатынына сенсе, онда олар жағдайды өзгертудің орнына, жай ғана күтіп, жаңа көшбасшының бейбіт келіссөзге келуін күтуді жөн санайды.

«Алайда, Путиннің орнына келген адам одан да қатаң, жас әрі ақылды болуы мүмкін. Немесе жай ғана клептократ, яғни жаппай ұрлықпен айналысатын, бірақ соғысты тоқтатуға дайын адам болуы ықтимал. Бірақ бұл да Украинаның мүддесіне сай келмейді», – делінген мақалада.

Галеоттидің пікірінше, Зеленский Батысқа Путиннен кейінгі Ресеймен келісімге келуге ыңғай туатынын көрсетіп қоюы мүмкін. Бұл Киевтің мүддесін ескермеуге алып келеді.

«Зеленский өз тілектеріне абай болу керек. Путиннің өлімі Украина үшін автоматты түрде жеңіс әкелмейді», – деп түйіндеді сарапшы.