Ғұсман Қырғызбаев Олимпиададан кейін қанша миллион тапқанын айтты

Париж Олимпиадасында қола жүлде иеленген дзюдошы Ғұсман Қырғызбаев YouTube желісіндегі NAIZATV арнасына берген сұқбатында Олимпиададағы жетістігінен кейін қанша қаражат тапқанын айтты.

Олимпиададан кейін алған сыйлықтарымның бағасы 1 миллион долларға жақындап қалған сияқты. Толмады, бірақ жақындады. 300 миллион теңге деп айта аламын. Енді қазір алған жоқпыз ғой, шамамен соған жақындайтын сияқты деп тұрмын, – деді Ғұсман Қырғызбаев.

Сондай-ақ жеке бапкері Ермек Насиев Олимпиада алдында Ғұсманға әлеуметтік желіні өшір деп талап қойыпты.

Екеуміз әлем чемпионатынан кейін отырып сөйлескенімізде әлеуметтік желіні өшір дедім. Олимпиадада нәтижеге жетіп жатсақ, әлеуметтік желіні құрметпен қосасың. Ұғатын адам ұғады. Әлеуметтік желіде көп отырған соң, уақытымыз бұзылады. Сондықтан әлеуметтік желіден демалу керек. Телефон демалса, ми істей бастайды. Кітап оқу да сол кезде басталады, – деді Ермек Насиев.