Путин мен Тоқаев жаңа жаһандық тәртіп жағдайында стратегиялық серіктестікті тереңдету туралы мәлімдемеге қол қойды

Қазақстан мен Ресей Президенттері Қасым-Жомарт Тоқаев пен Владимир Путин жаңа жаһандық тәртіп жағдайында стратегиялық серіктестікті тереңдету туралы бірлескен мәлімдемеге қол қойды, деп хабарлайды Кремльдің баспасөз қызметі.

Владимир Путин қазір Астанада мемлекеттік сапармен жүр. Барлығы 20 үкіметаралық, ведомствоаралық және коммерциялық құжаттарға қол қойылды.
Тараптар сондай-ақ бірлескен мәлімдемеге қол қойды.

Кремль сайтында жарияланған құжатта:

• Тараптар жария және ресми тұлғалардың өзара сенім мен екі елдің егемендігін құрметтеу рухына қайшы келетін жауапсыз мәлімдемелерін айыптайды.
• Тараптар неғұрлым әділ, теңгерімді және ашық халықаралық сауда жүйесін қалыптастыруға мүдделілік білдіреді.
• Тараптар Қазақстанның солтүстік және шығыс облыстарын газдандыру жобасын сапалы әрі тиімді іске асырудың маңыздылығын атап өтеді.
• Тараптар Кеңес халқының 1941-1945 жылдардағы Ұлы Отан соғысындағы Жеңісінің 80 жылдығында салтанатты іс-шаралар өткізу туралы уағдаластыққа қол жеткізді.