Назарбаевтың резиденциясы 1,1 миллиард теңгеге сатылмақ

Өскемендегі бұрын Нұрсұлтан Назарбаев пен Даниал Ахметовтің «резиденциясы» атанған ғимарат қонақ үйге айналмақ. Үлбі өзенінің бойында орналасқан бұрынғы Сол жағалаудағы емхананың екі қабатты ғимаратының жалпы ауданы 3179,9 шаршы метр,-деп хабарлайды politico.kz

Ғимаратты қайта құру жоспарында мейрамхана, бассейн, спорт алаңдары, конференц-залдар, қонақ үй және сауда павильондары бар туристік орталық құру қарастырылған. 

Бұл жобаны жүзеге асыру үшін үш жыл ішінде кемінде 800 миллион теңге инвестиция қажет. Оның 50 пайызы (400 миллион теңге) бірінші жылы, ал қалған екі жылда 25 пайызы (200 миллион теңге) инвестицияланады.