Айжұлдыз Адайбекова ұзату тойына кімдерді шақырмайтынын айтты

Әнші Айжұлдыз Адайбекова ұзату тойы туралы сыр шертті.

Жұлдызды жұп бұл туралы «Revue news» бағдарламасына берген сұхбатында айтты.

“Адам толық бақытты болған кезде, неге оны жарияламасқа?! Біз де өзімізді толық бақытты сезінгеннен кейін, жариялауды жөн көрдік. Біздің бірге тұрып жатқанымызды ел талқылап кетті. Екеуміздің ортақ баспанамыз бар. Одан кейін бөлек пәтерлеріміз де бар. Қалаған кезде бөлек және бірге тұра береміз. Жеке кеңістігімізді сақтаймыз. Бір-біріміздің шығармашылық жолымызға кедергі келтірмейміз”, – деді блогер ару.

“Сәкен ұлан-асыр үйлену тойын жасағысы келеді. Менің ұзату тойымда ешқандай блогер, әртістер болмайды. Тек жақындарым мен бауырларымды ғана шақырамын. Тойға дайындық қызу жүріп жатыр. Нақты күні мен айы белгілі болғанда жариялаймыз”, – деді жақында қалыңдық атанатын Айжұлдыз.