24 жыл қызмет еткен подполковник зейнеттен кейінгі өмірімен бөлісуде

24 жылын әскер қатарында өткізген бұрынғы әскери қызметкер зейнетке шыққаннан кейінгі өмірімен бөлісуде, деп хабарлайды POLITICO.KZ

Запастағы подполковник, 24 жыл бойы әскери қызметте болған Ақылбек Саматов әлеуметтік желіде әскери қызметтен кейінге өмірімен бөлісуде.

Әскери қызмет жылдарында күн тәртібі, бұйрық пен қатаң талап өмірінің ажырамас бөлігі болған Ақылбек Саматов енді ол қалыптасқан жүйеден тыс өмір сүріп, өзінің кім екенін, жаңа өмірінің мәнін іздеуде.

«Бүгін әскери киімсіз алғашқы күн. Жылдар бойы ол менің бір бөлшегіме айналған еді. Таңым да, жеңістерім мен жеңілістерім де осы формада өтті. Ал қазір айна алдында тұрғанымда, бос кеңістік секілді әсерде қалдым. Формамен бірге өмірімнің бір бөлігін шешіп тастағандаймын», – дейді Ақылбек Саматов.

Қазір ол әскери форманы шешкеннен кейінгі әр күнін бейнелеп, оқырмандарымен бөлісуде.