Адам ұрлау фактісі: Хуторлық Хасанға қатысты тың дерек шықты

Хасан Қасымбаевқа қатысты бір қылмыстық істі қарау тоқтатылды.

Айта кетейік, 2024 жылдың қарашасында Талғардағы Шерзат Болаттың өлімінен кейін елге танылып кеткен Хасан Қасымбаевты полиция ұстап әкетті.

Қасымбаев екі айға қамауға алынған. Ол 2021 жылы тұрғынның денсаулығына ауыр зақым келтіргені үшін ұсталды.

"Сотқа дейінгі тергеу аясында сот Қасымбаевты қамауға алуды ұзарту туралы шешім қабылдады. Оған қатысты іс адам ұрлау фактісі бойынша тергеліп жатыр. Қазіргі уақытта барлық қажетті тергеу әрекеттері жүргізіліп жатыр”, - деп мәлімдеді Алматы облысы полиция департаменті.