Air Astana енді FlyArystan-ның атынан жауап бермейді

2025 жылдың 1 қаңтарынан бастап FlyArystan сот істерінде Air Astana-дан тәуелсіз әрекет етеді. Бұл туралы белгілі адвокат Данильхан Шағатаев мәлімдеді, деп хабарлайды POLITICO.KZ.

Адвокаттың мәлімдемеуінше:
«Бүгінгі сот отырысында Air Astana өкілі 2025 жылдың 1 қаңтарынан бастап FlyArystan сот процестерінде жеке жауапкер ретінде әрекет ететінін мәлімдеді. Бұрын FlyArystan-ға қатысты сот даулары Air Astana-ға бағытталса, енді FlyArystan тәуелсіз жауапкер ретінде қатысады», – деп жазды Шағатаев өзінің телеграм-каналында.

2024 жылы ҚР Көлік министрлігі FlyArystan-ның Air Astana-дан бөлініп, жеке компания ретінде тіркелгенін жариялады. FlyArystan тәуелсіз эксплуатант сертификатын алды, бірақ Air Astana-ның 100% еншілес компаниясы болып қала береді. 2025 жылдың 1 қаңтарына дейін сотқа түскен істер бұрынғыдай Air Astana-ға бағытталады.

FlyArystan жеке компания ретінде қызметін жалғастырса да, Air Astana-мен тығыз байланыста. Жақында Air Astana 12 жасар Зеренің ісі бойынша аппеляцияда жеңіліс тапты, бұл FlyArystan-ға қатысты болған.

Бұл өзгерістер FlyArystan-ның сот және әкімшілік істерде дербес әрекет ету мүмкіндігін арттырады.