Алматыда нөсер кезінде арыққа құлаған ер адам қаза тапты

Алматыда ұзаққа созылған жауын-шашын кезінде қайғылы оқиға тіркелді: ер адам арыққа құлап, көз жұмды. Алдын ала мәлімет бойынша, ол мас күйде болған, деп хабарлайды Politico.kz.

Бұған дейін әлеуметтік желілерде арықтан ер адамның мәйіті табылғаны туралы ақпарат тараған. Кей деректерде оны су ағысы құбырға тартып кеткені айтылған. Шақыртуға келген коммуналдық қызмет өкілдері бітелген жерді тазалау барысында қоқыс орнына адамның денесін анықтаған.

Полиция мәліметінше, ер адам алкогольдік масаң күйде тепе-теңдігін жоғалтып, арыққа құлаған. Алған жарақаттарының салдарынан оқиға орнында көз жұмған.

Қазіргі уақытта аталған дерек бойынша қылмыстық іс қозғалып, қажетті тергеу амалдары жүргізілуде.

Алматы жауын-шашын Кісі өлімі Полиция

Алматыда нөсер кезінде арыққа құлаған ер адам қаза тапты

Соңғы жаңалықтар