Алматыда заңсыз үйді сүру кезінде үй иесі депутат Базарбекке өзін өртейтімін деп қорқытты

Алматы қаласының Ерменсай ықшамауданында заңсыз салынған үйлерді сүру кезінде үлкен жанжал орын алды. Оқиға барысында үш қабатты үйдің иесі Мәжіліс депутаты Бақытжан Базарбекке айқайлап, өзін өртейтінін айтып қорқытқан.

Қақтығыс «Жанару» бау-бақша кооперативінің аумағында тіркелді. Депутаттың айтуынша, бұл жерде ешқандай рұқсатсыз көпқабатты таунхаустар бой көтерген. Ал жер телімі бастапқыда ауыл шаруашылығы мақсатында берілген, тұрғын үй салуға арналмаған.

Сот бұл құрылыс нысандарын заңсыз деп танып, оларды бұзу туралы шешім шығарған. Үй иесінің қарсылығына қарамастан, нысан ақыры сүрілді.