Алматыда жол апатынан екі қыз қаза тапты

27 шілде 2026, 10:37 674

Алматыда жол апатынан екі қыз қаза тапты — Фото: әлеуметтік желі

Алматыда Рысқұлов даңғылы мен Шәріпов көшесінің қиылысында Mercedes-Benz G-Class және Suzuki SX4 автокөліктері соқтығысып, екі адам оқиға орнында көз жұмды, деп хабарлайды Politico.kz.

Полицияның мәліметінше, қайғылы оқиға Алатау ауданында түнгі сағат 03:10 шамасында болған. Алдын ала дерек бойынша, батыс бағытта бара жатқан Suzuki жүргізушісі бұрылыс жасамақ болған кезде қарсы бағытта келе жатқан Mercedes көлігіне соғылған.

Соқтығыс салдарынан Suzuki жүргізушісі мен оның бір жолаушысы алған жарақаттарынан тіл тартпай кетті. Ал осы көліктің тағы бір жолаушысы мен Mercedes жүргізушісі түрлі дене жарақаттарымен ауруханаға жеткізілді.

Екі адамның өліміне әкеп соқтырған жол-көлік оқиғасы дерегі бойынша полиция департаменті қылмыстық іс қозғады. Мән-жай анықталып жатыр.

Алматы Жол апаты Кісі өлімі Оқиға

Бізді Google-дың негізгі дереккөздер тізіміне қосыңыз

Қосу

Алматыда жол апатынан екі қыз қаза тапты

Соңғы жаңалықтар