Алматыдағы мектептердің бірінде «Дженнифер Лопес» 1 қыркүйекте ән орындады

Алматы мектептерінің бірінде Білім күні ерекше көңіл-күйде өтті. Салтанатты жиында аналардың бірі сахнаға шығып, Дженнифер Лопестің әйгілі әнін 1 қыркүйекке лайықтап орындады, деп хабарлайды POLITICO.KZ.

Әннің мәтіні мектеп тақырыбына бейімделіп, тыңдарманды бірден баурап алды. Күтпеген әрі көңілді көрініс мерекеге өзгеше рең берді. Әлемге танымал хиттің қазақстандық нұсқасы залда отырғандар үшін нағыз тосын сый болды. Әлеуметтік желіде көрермендер орындаушыға жылы пікір қалдырды.