Атышулы банкир Жомарт Ертаев рақымшылықпен бостандыққа шықты

Белгілі банкир Жомарт Ертаев бостандыққа шықты, деп хабарлайды Михаил Козачков.

Козачковтың айтуынша, 2 қыркүйекте белгілі банкир Жомарт Ертаев рақымшылық жасау туралы заңға сәйкес жалпы режимдегі колониядан босатылды.

Ертаев 2020 жылы RBK Bank-тен 144 миллиард теңге жымқырды деген айыппен 11 жылға, ал 2021 жылы қылмыстық топ құрып, алаяқтық жасағаны үшін 9 жылға бас бостандығынан айырылған болатын.

Журналист М. Козачковтың мәліметінше, оның мерзімінен бұрын босатылуына бірнеше фактор әсер еткен. Оның тергеу изоляторында өткізген уақыты бір күні бір жарым күнге есептелген, қолданылған рақымшылық заңы, кінәсін мойындауы және келтірілген шығынды өтеуге күш салуы ескерілген.

Жомарт Ертаев Әлеуметтік желі