Азамат Әбілқайыр Ирандағы жағдайға байланысты ойын айтты

Тележурналист Азамат Әбілқайыр аймақтағы геосаяси ахуалға қатысты ойын айтты, деп хабарлайды Politico.kz.

Иран төңірегіндегі қазіргі текетірес қауіптің кейде ең жақын ортадан туындайтынын көрсетті. Тележурналист Азамат Әбілқайырдың пікірінше, мұндай жағдайда көрші елдер арасындағы түсіністік пен прагматикалық саясат қауіпсіздіктің басты факторына айналады. Осыған байланысты ол Мемлекет басшысы Қасым-Жомарт Тоқаевтың Орталық Азия елдері арасындағы ынтымақтастықты нығайту туралы ұстанымына назар аударды.

Президент көрші мемлекеттер арасындағы тату қатынасты дамыту мен сенімді диалог орнату қажеттігін жиі айтады. Сауда және экономикалық байланыстарды кеңейту аймақтағы тұрақтылықты нығайтуға мүмкіндік береді. Дамушы және орта деңгейдегі мемлекеттер ұзақ мерзімді қауіпсіздікті қамтамасыз ету үшін өзара тығыз іс-қимыл жасауы тиіс. Журналист Қазақстанның теңгерімді сыртқы саясатын атап өтті. Ол күрделі аймақтық жағдайда баланс сақтап отырған Иордания тәжірибесін мысал ретінде көрсетті.