Бір палаталы парламент қашан құрылады? — сарапшы пікірі

Сарапшы Ғазиз Әбішев Мемлекет басшысының Қазақстан халқына жолдауында айтқан бір палаталы парламент құру бастамасына пікір білдірді, деп хабарлайды POLITICO.KZ. 

Ғазиз Әбішев Telegram-арнасында алдағы саяси реформаның болжамды кестесін айтты. 

«Күнтізбелік жыл ішінде бір палаталы парламент құру жөніндегі конституциялық реформаны талқылау жүргізілетін болады.

Жолдауда бір жылдан кейін Мемлекет басшысы талқылаудың аяқталғанын мәлімдейді, соңғы параметрлерді сипаттайды. Содан кейін немесе сәл кейінірек республикалық референдум өткізілетін күн туралы хабарлайды», - деп жазды сарапшы. 

Ғазиз Әбішевтің пікірінше, референдум 2027 жылдың басында өтеді. Оның айтуынша, егер түзетулерді халық қабылдайтын болса, онда Парламенттің қазіргі құрамы таратылып, жаңартылған Конституцияны орындау үшін мерзімінен бұрын сайлау өтеді деп күтіледі.