Димаш қазақ-қытай достығының елшісі - Си Цзиньпин

Қазақпарат жариялаған мақаласында Қытай басшысы екі ел арасындағы қарым-қатынасты нығайту бағыттары туралы айтып, ынтымақтастықтың келешегі жөнінде сөз қозғады

"Өзара визасыз режим екі ел тұрғындарының бір-біріне туысқан секілді жиі баруына мүмкіндік береді. Өткен жылы өзара сапарлар саны шамамен 600 мың болса, биылғы жылдың алғашқы үш айында 200 мыңнан асты. Алда тағы бір рекорд бар", - деді Си Цзиньпин.

Сондай-ақ Төраға қазақ-қытай достығының елшілерін атады.

"Қытай емделушілері арасында үлкен құрмет пен беделге ие болған офтальмолог Сәулебек Қабылбеков, сирек кездесетін "панда қаны" тобының иесі және доноры Руслан Төленов, сонымен қатар Қытайда танымал әнші Димаш жаңа дәуірдегі қытай-қазақ достығының елшілері болды", - деп жазды Си Цзиньпин.

Қытай басшысының айтуынша, тығыз өзара іс-қимыл және сын-қатерлерге бірлесіп жауап беру екі елге халықаралық аренада жаңа нақты серпін әкелді.