"Емдету керек". Медеу Арынбаев Қайрат Нұртас туралы қатты айтты

Фото: ашық дереккөз. Суретте: Қайрат Нұртас

Белгілі әнші, қазақ эстрадасының майталманы Медеу Арынбаев Қайрат Нұртас пен оның шығармашылығына қатысты ойын бөлісті. Бұл туралы ол берген сұхбатында айтты, деп хабарлайды POLITICO.KZ.

Әншінің айтуынша, Қайрат Нұртасқа демалып, дауысын күтуге уақыт керек.

«Қайратқа демалу керек. Ән айта алмайтын болса, халық мұнша көтерілмес еді. Халық айтса, қалып айтпайды. Ол ырғақты сезеді, өзіне тән ыңырсу мәнерін тапқан. Оның дауысы қобызға ұқсайды, біздің жанымызға жақын элементтер бар», – деді Медеу Арынбаев.

Ол сонымен қатар әншінің дауысын сақтап қалу – үлкен еңбекті талап ететінін атап өтті.

«Қайрат фониатрға барып, дауысын емдетуі керек. Бұл – еңбек. Біз сияқты айына немесе аптасына бір рет қана шықпайды. Ол күн сайын жолда, тойда, түрлі шарада жүр. Бұл оңай дүние емес, ол сақтануды талап етеді», – деді өнер иесі.

Медеу Арынбаев Қайрат Нұртас әнші