Ерке Есмахан отбасымен Еуропада не істеп жүргенін көрсетті 

Қазақстандық шоу-бизнестегі жарасымды жұлдызы жұптардың бірі Ерке Есмахан мен Райм бүгінде отбасымен Еуропада демалуда. Өнер иелері бұл жолы шетелге ұзақ уақытқа кеткенін хабарлаған, деп хабарлайды POLITICO.KZ.

Жұлдызды жанұя алдымен Италияға барып, Милан қаласының әсем жерлерін аралап шықты. Ерлі-зайыпты балаларын да қыдыртып, кейін өздері La Scala театрына әйгілі "Щелкунчик" қойылымын тамашалап қайтты. 

Италиядағы демалысынан кейін жұлдызды отбасы Швейцарияға жол тартқан. Бұл туралы Ерке Есмахан Instagram-дағы парақшасында айтты. Өнер иесі пойыздан отбасылық видео жариялап, елді тәнті етті. 

"Әлемнің әдемі жерлерін көруге мүмкіндік берген Аллаға сансыз шүкір. Барлық нығмет ниеттен басталады. Италиядан Швейцарияға жол тарттық", - деп жазды әнші.