Еуроодақ Трамптың тарифтерін жаһандық экономикаға соққы деп бағалады

АҚШ президенті Дональд Трамп енгізген жаңа кедендік тарифтерге байланысты Еуропа комиссиясының төрайымы Урсула фон дер Ляйен шұғыл мәлімдеме жасады, деп хабарлайды POLITICO.KZ.

Ол бұл шешімді "әлемдік экономикаға және Еуропаға жасалған ауыр соққы" деп атады. Оның пікірінше, мұндай қадам жаһандық нарықтағы тұрақсыздықты күшейтіп, протекционизмнің артуына әкеледі.

«Мен бұл таңдауға қатты өкінемін. Біз мұның салдарын ашық айтуымыз керек: бүкіл әлем бойынша миллиондаған адам, әсіресе осал мемлекеттер зардап шегеді», – деді фон дер Ляйен.

Ол атап өткендей, АҚШ-тың ең ескі одақтасы – Еуропа өзін алданғандай сезініп отыр. Алайда Еуроодақ бұған жауап қатуға дайын, әрі қазірдің өзінде қарсы шаралардың алғашқы пакеті әзірленіп жатыр.

«Бірақ бізде балама жол бар. Келіссөздер жүргізуге әлі кеш емес», – деп қосты Еурокомиссия басшысы.

Айта кетейік, Трамптың жаңа сауда саясаты аясында Еуроодаққа 20% көлемінде тариф енгізілген болатын, ал бұл ЕО-ға мүше мемлекеттердің экономикасына тікелей әсер етуі мүмкін.

The universal tariffs announced by the US are a major blow to businesses and consumers worldwide.

Europe is prepared to respond.

We'll always protect our interests and values.
We're also ready to engage.

And to go from confrontation to negotiation ↓ https://t.co/WbXqsN4ZX7

— Ursula von der Leyen (@vonderleyen) April 3, 2025