Лидия Каденованың бұрынғы келіні екінші рет күйеуге шықты

Аека пош лақапатымен танымал блогер Айым Алтынбекова екінші рет күйеуге шықты. Бұл туралы ол әлеуметтік желідегі парақшасында мәлімдеді. Блогерге бір күнде сырға салынып, беташар жасалған. Бір қызығы, блогерге сырға салынбады, қолына қымбат брендтің браслеті тағылды. "Үш жыл бұрын құлағыма ота жасалды, содан бері сырға таға алмаймын, сондықтан қолыма браслет тағылды. Сөйтіп "Сырғалым" атандым", - деп жазған ол. Алайда блогердің екінші күйеуін әлеуметтік желіде мүлде көрсетпейді. Айта кетейік, бұған дейін Аека пош Қазақстанға еңбегі сіңген әртіс Лидия Каденованың ұлы Дидар Каденмен бас қосқан еді. Кейін олар ажырасып кетті, алайда бұрынғы ерлі-зайыпты бір ұл өсіріп отыр. Дидар Каден отбасын құрды, оның таңдауы Лейла есімді қызға түсті.