«Ол өз сарбаздарын да, олардың сарбаздарын да қырып жатыр»: Трамп Путинге ықпал ете алмайтынын мойындады
Трамп Путинге ықпал ете алмайтынын мойындады
Дональд Трамп Владимир Путинмен қарым-қатынастағы стратегиясының сәтсіз болғанын ашық мойындады. Трамптың «Мен онымен ешқандай прогресс жасай алмадым... Ол тек соңына дейін барғысы келеді, адамдарды өлтіруге дайын» деген сөзі Вашингтонның Мәскеуге ықпал ету тетіктері таусылып бара жатқанын көрсетеді.
Трамп Украинаға қару жеткізуге келіскеніне қарамастан, Кремльмен соғыс мәселесін бөліп алып, диалог жүргізуге ниетті екенін жасырмай отыр. The Times жазуынша, Путинмен «жеке дипломатия» арқылы қысым жасау әрекеттері толық таусылған.
АҚШ әкімшілігі екінші деңгейлі санкциялармен қорқытып отырса да, Трамп оларды іске асыруға асығар емес.
Fox News телеарнасына берген сұхбатында Трамп Кремль басшысының екіжүзді әрекеттеріне наразы екенін айтып, Ресейге қарсы «өте қатаң» санкциялар салу мүмкіндігін қарастырып жатқанын жеткізді.
Ол Путиннің ресейлік те, украиналық та сарбаздардың өліміне тікелей жауапты екенін атап өтті: «Ол өз сарбаздарын да, олардың сарбаздарын да қырып жатыр». Трамп Путиннің сырт көзге сыпайы көрінетінін, бірақ бұл «қуыста еш мән-мағына жоқ» екенін айтты. «Путин бізге үнемі бір жапырақ бос сөздер лақтырады. Сырттай әдемі сөйлегенімен, шын мәнінде мағынасы жоқ», — деді ол.
Журналистер Трамптан Путинге наразылығын ашық жариялай ма деп сұрағанда, ол нақты жауап бермей, интрига сақтап қалды:
«Мен бұл сұраққа жауап бермес едім. Біз кішкентай бір тосынсый жасағымыз келмей ме?» - деді Трамп.
President Trump: "We get a lot of bullshit thrown at us by Putin, if you want to know the truth. He's very nice all the time, but it turns out to be meaningless." pic.twitter.com/VMnXSTuCiK
— CSPAN (@cspan) July 8, 2025
Соңғы жаңалықтар
