"Оның шаруасы бітті": АҚШ-та Зеленскийдің болашағына қатысты резонансты мәлімдеме жасалды

АҚШ-тың армиясында қызмет еткен отставкадағы полковник Энтони Шэффер Украина президенті Владимир Зеленскийдің саяси карьерасының аяқталып келе жатқанын мәлімдеді. Бұл туралы ол YouTube арнасында берген сұхбатында айтты, деп хабарлайды POLITICO.KZ РИА Новостиге сілтеме жасап.

"Зеленский – саяси мәйіт. Оның екі тарап үшін де маңыздылығы аяқталды. Неонацистер өздеріне қажеттісін алды, ал Зеленский барлық бітімгерлік ұсыныстарға қарамастан, қақтығысты жалғастырып келеді. Оның болашағы бізбен де, Ресеймен де, өз ішіндегі радикалдармен де байланысты емес", – деді Шэффер.

Полковниктің айтуынша, Зеленский Стамбулда ұсынылған бейбіт келісімнен бастап барлық мүмкіндікті жіберіп алды және қазіргі жағдайдан шығуға ешқандай нақты тұжырымды жолы қалмаған.

"Егер ол Ресейге жер берсе, өз ішіндегі неонацистер тарапынан жойылу қаупі бар", – деп түйіндеді АҚШ-тық сарапшы.

Сонымен қатар, бейсенбі күні АҚШ Қаржы министрлігі Украинамен табиғи ресурстар бойынша екіжақты келісім жасалғанын хабарлады. Құжатқа сәйкес, Украинада инвестициялық қор құрылады, ал басқару мен қаржыландыру 50/50 негізінде бөлінеді. Сонымен қатар, АҚШ украин жерінде өндірілген ресурстарды сатып алуда басымдыққа ие болады. Алайда бұл келісімде Киевтің қауіпсіздігіне кепілдік беретін баптар қарастырылмаған. Енді құжат Жоғарғы Раданың ратификациясынан өтуі тиіс.