Оқу-ағарту министрлігі 1 қыркүйекте мұғалімдерге гүл мен сыйлық сыйлауға тыйым салды

Оқу-ағарту бірінші вице-министрі Шынар Ақпарова 1 қыркүйек — Білім күнінде мектеп аумағында мұғалімдерге гүл шоқтары мен сыйлықтар беруге жол берілмейтінін мәлімдеді, деп хабарлайды Politico.kz.

Орталық коммуникациялар қызметінде өткен брифинг барысында вице-министр ата-аналардың сыйлық беру мәселесіне қатысты журналистердің сауалына жауап қатты.

«Біз тиісті хаттарды жергілікті атқарушы органдарға жолдадық. Мектеп қабырғасында гүл немесе қандай да бір сыйлық беруге болмайды. Мұны біз арнайы атап көрсеттік. Сондықтан бұған қажеттілік жоқ», – деді Шынар Ақпарова.

Министрлік гүл шоғының нақты құнына қатысты ешқандай шектеу сомасын белгілемеген, бұл тыйым сыйлықтарды тікелей мектеп аумағында тарту етуге қатысты екенін нақтылады.

Сонымен қатар ведомство өкілінің айтуынша, 1 қыркүйек күні барлық мектеп сыныптарында 45 минутқа созылатын бірыңғай сынып сағаттары, ал колледждерде кураторлық сағаттар өткізіледі.

Мектеп Мұғалім оқу ағарту министрлігі Сыйлық

Оқу-ағарту министрлігі 1 қыркүйекте мұғалімдерге гүл мен сыйлық сыйлауға тыйым салды

Соңғы жаңалықтар