Павлодар әкімі желіде қыздарға жауап беріп, жұртты күлдірді

Павлодар облысының әкімі Асайын Байханов әлеуметтік желі Threads платформасында қолданушылармен пікірлесіп, желіде қызу талқыланған жазба қалдырды, деп хабарлайды POLITICO.KZ

Бір қыз өзінің құрбыларының Астанадан Павлодарға оралып, тұрмысқа шығып жатқанын айтып:
«Құрбыларым бірінен соң бірі елге қайтып, Павлодарда тұрмысқа шығып жатыр», — деп жазған.

Оған Асайын Байханов әзілмен жауап берді:

«Бұл — біздің Павлодарға кері көшуге бағытталған нысаналы үгіт-насихат жұмысы. Туған жерге жас әрі белсенді адамдар керек».

Пікір астында кейбір қолданушылар әкімнің әлеуметтік желіде белсенді екеніне таңданыс білдіргенде, ол тағы да қалжыңмен жауап қатты:

«Бұл — “Әкімдік қайда қарап отыр?” демесін деп. Сол үшін біз барлық жерде бармыз».