Португалия астанасында теміржол көлігі басқарудан шығып, апатқа ұшырады: 15 адам қаза тапты

Португалияның астанасы Лиссабон қаласында ірі төтенше жағдай болды. Қала орталығында туристер арасында танымал «Глория» атты теміржол көлігі рельстен шығып кетіп, салдарынан кем дегенде 15 адам қаза тауып, 18 адам түрлі деңгейдегі жарақат алды.

Жергілікті бұқаралық ақпарат құралдарының алдын ала мәліметі бойынша, елдің көрікті жерлерінің бірі саналатын фуникулер кенеттен басқарудан айырылып, көше бойымен жүріп өтіп, ғимаратқа соғылған. Қазіргі уақытта оқиғаның себептері анықталып жатыр.

Осы қайғылы жағдайға байланысты Лиссабон қаласында үш күндік аза тұту жарияланды.