Путин Трамп әкімшілігімен келіссөз жүргізу үшін экономикалық өкілін жіберді

АҚШ астанасында Ресей президенті Владимир Путинге жақын саналатын экономикалық өкіл келіссөз жүргізіп жатыр, деп хабарлайды POLITICO.KZ The Washington Post басылымына сілтеме жасап.

Ресейдің тікелей инвестициялар қорының басшысы Кирилл Дмитриев — 2022 жылы Украинадағы соғыс басталғаннан кейін АҚШ-қа келген ең жоғары лауазымды ресейлік тұлға.

Вашингтонда жүрген Дмитриевтің сапары — Кремльдің Трамп әкімшілігімен байланыс орнатуға бағытталған әрекеті деп бағаланып отыр. Келіссөздер барысында ол мирлік реттеу мүмкіндігін ғана емес, ірі бизнес ұсыныстарын да көтеріп жатқаны айтылды.

Ресейлік бақылаушылардың пікірінше, бұл – Путиннің «ұлы державалар мүдде аймақтарын бөліседі» деген Трамптың көзқарасына сенуінен туындаған саяси қадам.

«Екі адам да ақша мен билікке негізделген ойлауға бейім. Сондықтан олар келісімге келуі мүмкін», – деді аты-жөнін атамаған бұрынғы Кремль шенеунігі.

Украинаның экс-президенті Виктор Ющенконың бұрынғы кеңесшісі Олег Рыбачук:

«Кремль осындай бизнесмендер арқылы Трампқа тікелей жетуді жақсы меңгерген. Бұл – олардың үйреншікті тәсілі», – дейді.

Ресейлік дипломатиялық шеңберлерге жақын сарапшылардың айтуынша, Кремль Дмитриевті әдейі таңдаған, өйткені ол Трамппен "бір тілде – бизнес тілімен" сөйлесе алады.

«Трамп – бизнесмен. Дмитриев – сол тілді білетін адам», – дейді олар.

АҚШ Қаржы министрлігінің мәлімдемесі бойынша, РФПИ Путиннің жеке мүддесіне жұмыс істейтін құрылым ретінде сипатталған. Дмитриевтің АҚШ университеттері мен ұйымдарымен байланысы арқылы Кремльдің ықпалын жүргізіп келгені де аталды.

Бұған дейін ақпанда Сауд Арабиясында өткен бейбіт келіссөздерде Дмитриев америкалық делегацияға АҚШ компаниялары Ресейден кеткен соң 300 миллиард доллар жоғалтты деп мәлімдеген. Алайда бұрынғы банкир Крейг Кеннеди бұл соманың тым асыра көрсетілгенін айтып отыр.

«Мысалы, ExxonMobil-дің Сахалин-1 жобасынан кеткендегі жоғалтқан қаражаты 4,5 миллиард доллар ғана. 300 миллиард деген мүлде ақылға қонбайды», – деді ол.

Дегенмен, Дмитриевтің ұсыныстары кейбір бизнес элита өкілдеріне ұнаған. АҚШ кәсіпкері Уиткофф Tucker Carlson-ға берген сұхбатында Арктикадағы энергетикалық саясатты біріктіру, жасанды интеллект саласында серіктестік және Еуропаға бірлесіп сұйытылған газ жеткізу секілді идеяларға үміт артатынын айтты.