Путиннің Мурманскідегі негізгі мәлімдемелері

Ресей президенті Владимир Путин Мурманск қаласында теңізшілермен кездесу кезінде Украинадағы жағдай бойынша маңызды мәлімдемелер жасады, деп хабарлайды POLITICO.KZ РИА НОВОСТИ арнасына сілтеме жасап.

Оның айтуынша, Мәскеу Украина мәселесі бойынша Еуропамен жұмыс істеуге дайын, бірақ Еуропалық Одақтың ұстанымы тұрақсыз әрі алдамшы. Путин сондай-ақ стратегиялық бастама толығымен ресейлік әскерлердің қолында екенін атап өтті.

«Ресей әскерлері ЛХР аумағының 99 пайызын, ДХР, Запорожье және Херсон облыстарының 70 пайыздан астам аумақтарын азат етті», – деді ол. Путин ресейлік әскерлердің күн сайын бір елді мекеннен кейін екіншісін азат етіп келе жатқанын мәлімдеді.

Ол сонымен бірге Ресей Украинадағы қақтығыстың түпкі себептерін бейбіт шешуге мүдделі кез келген елмен бірлесіп жұмыс істеуге дайын екенін жеткізді. Путиннің пікірінше, Киев Еуропадағы жетекшілердің қысымымен соғысты жалғастырып, Ресейге стратегиялық соққы беруге тырысып отыр.

«Украинада уақытша басқару енгізуді БҰҰ, АҚШ, еуропалық елдер және Ресей серіктестерімен бірлесе отырып талқылауға болады. Бұл Украинада демократиялық сайлау өткізіп, халық сеніміне ие әрі жұмысқа қабілетті үкіметті билікке әкелуге мүмкіндік береді», – деді Путин.