"Қайрат сияқты бай емеспін": Мақпал Жүнісова сахнада сыйлық сұраған көрерменге әзілмен жауап берді

Концерт барысында көрермендердің бірі әнші Мақпал Жүнісовадан естелікке бір затын сыйлауды сұрап, өнер иесі бұл жағдайға әзілмен жауап қатты, деп хабарлайды Politico.kz.

Әнші дәл сол сәтте сахнадан қандай затын шешіп бере алатынын ойланып, басындағы бас киімін шеше алмайтынын жеткізді. Осы орайда ол сахнада киімін жанкүйерлеріне жиі тарататын әріптесі Қайрат Нұртасты еске алды.

"Мен Қайрат сияқты бай емеспін. Жалғыз тұрамын, күйеуім де жоқ", — деп әзілдеген әншінің жауабы көпшілікті күлкіге қарық қылды.

Желі қолданушылары халық әртісінің қарапайымдылығы мен шынайылығына тәнті болып, жылы лебіздерін білдіруде. Айта кетейік, бұған дейінгі концерттердің бірінде Мақпал Жүнісова өзінің алтын әшекейін шешіп, көрерменге сыйға тартқан болатын. Осы оқиғадан кейін әншіден сый дәметкен тыңдармандар саны арта түскен сыңайлы.

Мақпал Жүнісова Шоу-бизнес Қайрат Нұртас Әнші

Бізді Google-дың негізгі дереккөздер тізіміне қосыңыз

Қосу

"Қайрат сияқты бай емеспін": Мақпал Жүнісова сахнада сыйлық сұраған көрерменге әзілмен жауап берді

Соңғы жаңалықтар