Қазандықта ақау: Риддер тұрғындары тоңып отыр

Риддерде қатты аяз салдарынан котельняда ақау шығып, бірнеше ауданда жылу температурасы төмендеді, деп хабарлайды POLITICO.KZ, ORDA.KZ сайтына сілтеме жасап.

Тишин руднигінің котельнясын басқаратын ТОО «Л-ТВК» мамандарының айтуынша, үш қазандықтың бірінде ақау табылған. «Қазандықтың бүйірлік экранының төменгі коллекторында ақау анықталды. Осыған байланысты жылу тасымалдағыш температурасы 95 градустан 71 градусқа дейін төмендеуі мүмкін. Тұтынушыларды өшіру жоспарланбаған, ақаулар 4-5 сағат ішінде жойылады», – деп мәлімдеді мекеме директоры Александр Попов.

Дегенмен, тұрғындардың үйлерінде суық сезілуде. Төртінші аудан тұрғыны Наталья:
«Таңертең үйімізде температура 19 градус болды. Баланы балабақшаға апармадық, электр жылытқыштарын қосып отырмыз», – дейді.

Сонымен қатар, ТЭЦ қызметкерлері жылу жүйесі қалыпты жұмыс істеп тұрғанын мәлімдеді. Алайда, кейбір аудандардағы үйлерде температура жеткіліксіз деген шағымдар түскен.

Балабақшалар мен мектептерде де мәселе туындады. Таңертең ата-аналарға балабақшалардың балаларды қабылдай алмайтыны хабарланды. Алайда, кейіннен бөлім басшылары бұл тек ата-аналардың таңдауы болғанын түсіндірді.

Қазіргі уақытта котельнядағы ақау жойылды, ал жылу беру қалыпқа келуде.