Құрылыс компаниясы жауаптан құтылды ма? Ұлдана Мырзуанның қазасына қатысты сотта күтпеген бетбұрыс болды

Астанада жедел жәрдем қызметкері Ұлдана Мырзуанның қазасына байланысты өтіп жатқан сот отырысында іске қатысты маңызды жаңа құжаттар ұсынылды, деп хабарлайды Politico.kz.

Сот барысында прокурор құрылыс салушы компанияға қатысты қылмыстық істі тоқтату туралы қаулыны материалдарға қосуды сұрады. Сонымен қатар мемлекеттік айыптаушы кондоминиум нысанының бұрынғы сенім білдірілген өкілдеріне қатысты Қылмыстық кодекстің 254-бабы бойынша бөлек жаңа қылмыстық іс тіркелгенін мәлімдеп, бұл құжатты да іске тіркеуді өтінді.

Бұған дейін аталған тұрғын үй кешенінің құрылысынан бірқатар күрделі техникалық ақаулар анықталған болатын.

Келесі сот процесі 16 қыркүйек сағат 10:00-ге белгіленді. Кезекті отырыста марқұмға шұғыл ота жасаған нейрохирург дәрігер мен Қалалық бақылау және тұрғын үй инспекциясы басқармасының бұрынғы маманынан жауап алынады деп күтілуде.

іс Сот Ұлдана Мырзуан

Құрылыс компаниясы жауаптан құтылды ма? Ұлдана Мырзуанның қазасына қатысты сотта күтпеген бетбұрыс болды

Соңғы жаңалықтар