«Қымбатшылықтан соншалықты қиналған халықты көрмедім» - депутат

Депутат Ермұрат Бәпи өңірлердегі қымбатшылыққа қатысты пікір білдірді, деп хабарлайды POLITICO.KZ

Мәжіліс депутаты Ермұрат Бәпи парламенттік демалыстан кейін журналистерге берген сұхбат берді. Оның айтуынша, ол халықтың қымбатшылықтан жаппай қиыншылыққа ұшырағанын байқамаған.

"Қымбатшылықтан соншалықты қиналған халықты көрмедім. Әрине, қымбатшылық туралы әңгіме қай жерде болсын бар. Бірақ мен Шығыс Қазақстанда, Семейде, Алматы облысында болдым. Біраз жерде болдым. Сондай қатты бір қиыншылыққа тап болған халықты көрген жоқпын. 1 қыркүйекке балаларына киім ала алмай отырған жекелеген отбасылар бар екен. Оларға аз да болса да көмек көрсету бойынша әрекет жасадық", - деді Ермұрат Бәпи.