Қызылордада жалған ақпарат таратып, полицияға құрметсіздік танытқан бойжеткен қамауға алынды

Қызылорда қаласының 22 жастағы тұрғыны Шұғыла Сабит түнде тыныштықты бұзғаны, полиция қызметкерлерінің заңды талаптарына бағынбағаны, ұсақ бұзақылық жасағаны және жалған ақпарат таратқаны үшін жауапкершілікке тартылды, деп хабарлайды Politico.kz.

Сот шешімімен бойжеткен әкімшілік қамауға алынып, оған айыппұл салынды, сондай-ақ ресми ескерту жасалды. Заңды шаралар қабылданғаннан кейін ол әлеуметтік желілердегі тиісті жазбаларын өшіріп тастады.

Бұған дейін бойжеткен әлеуметтік желіде өзін «күлгені үшін» жауапқа тартты деген шындыққа жанаспайтын ақпарат таратып, билік өкілдеріне шенеусіз құрметсіздік танытқан болатын.

Полиция өкілдері құқық қорғау органдарының қызметкерлеріне құрметсіздік білдіру, провокациялық әрекеттер жасау және жалған ақпарат тарату жауапсыз қалмайтынын және оған құқықтық баға берілетінін тағы да ескертеді.

Жалған шақыру Полиция Шұғыла Сабит

Қызылордада жалған ақпарат таратып, полицияға құрметсіздік танытқан бойжеткен қамауға алынды

Соңғы жаңалықтар