Ресей президентінің сапары кезінде Астана аспанында тікұшақтар ұшып жүр

Ресей президенті Владимир Путин Қазақстанға үш күндік мемлекеттік сапармен келіп, Астана әуежайында оны мемлекет басшысы Қасым-Жомарт Тоқаев ресми түрде қарсы алды, деп хабарлайды Politico.kz.

Көршілес ел басшысы мінген ИЛ-96 ұшағын Қазақстан әскери-әуе күштерінің екі жойғыш ұшағы арнайы сүйемелдеп келсе, әуежайда мәртебелі мейманды құрмет қарауылы, әскери оркестр және қос мемлекеттің туын ұстаған балалар күтіп алды. Сонымен қатар маңызды сапар барысында елорда аспанында Қазақстан мен Ресей жалауларын желбіреткен тікұшақтар патрульдік ұшулар жасап жүр.