Ресейлік РЕН ТВ арнасы қазақстандық әйелді украинкалық ретінде көрсетті

Ірі ресейлік арналардың бірі қазақстандық әйелді украиналық деп көрсетті, деп хабарлайды POLITICO.KZ.

Қазақстан тұрғыны Татьяна Демина ресейлік РЕН ТВ арнасының оның бейнесін келісімінсіз пайдалануына қарсылық білдірді. Телеарна жариялаған сюжетте ол Украина тұрғыны ретінде көрсетілген.

Алғашқы бейнежазбада Демина Қазақстандағы көкөніс бағасының қымбаттығы туралы пікірін айтқан. Алайда телеарна бұл видеоны басқа контексте қолданып, бағаларды гривнамен көрсеткен. Нәтижесінде, қазақстандық әйел кедей украинкалық ретінде көрсетілген.

Сюжет шыққан соң, Демина жаңа бейнежазба жариялап, Қазақстан азаматы екенін және елде 49 жылдан бері тұрып келе жатқанын айтты. Ол өз мысалы арқылы адамдарды сақ болуға шақырып, жалған ақпараттың кез келген жерде кездесуі мүмкін екенін ескертті.