Шу ауданында 12 жасар қызды бір жарым жыл бойы зорлаған 46 жастағы азамат ұсталды

Жамбыл облысының Шу ауданында 46 жастағы И.М. есімді азамат 12 жастағы қызды бір жарым жыл бойы жыныстық зорлық-зомбылыққа ұшыратқаны анықталды. Құқық қорғау органдарына жәбірленушінің анасы арыз түсірген соң тергеу басталды, деп хабарлайды Politico.kz.

Күдікті алғашқы әрекетті қыз 12 жасқа толған кезде шаруа қожалығында жасаған, содан бері тұрақты түрде жалғастырған. Ол жәбірленушінің дәрменсіздігін пайдаланып, жақын байланыста болғаны анықталды.

Іс алғашында ҚР Қылмыстық кодексінің 122-бабы бойынша қозғалып, кейін 120-бапқа (зорлау) қайта сараланды. Қазір сот-медициналық сараптамалар тағайындалған, күдікті ұсталып, уақытша ұстау изоляторына қамалды. Полиция тергеуді жалғастыруда, оқиғаның барлық мән-жайы анықталуда.

Бұл оқиға қоғамда ауыр резонанс тудырды. Кәмелетке толмағандарға қатысты мұндай қылмыстар үшін Қазақстан заңы бойынша қатаң жаза (15 жылға дейін немесе одан да ұзақ бас бостандығынан айыру) көзделеді