Шығыс Қазақстанда таныстарын жұмысқа жалған тіркеген «ҚАЖсервис» басшысы сотталды

12 наурыз 2026, 18:03 927

Шығыс Қазақстанда таныстарын жұмысқа жалған тіркеген «ҚАЖсервис» басшысы сотталды — Фото: Azattyq Rýhy

Шығыс Қазақстан облысында республикалық маңызы бар автожолдарды күтіп ұстаумен айналысатын «ҚАЖсервис» мекемесі филиалының бұрынғы директоры жұмысқа адамдарды жалған тіркегені үшін сотталды, деп хабарлайды Politico.kz.

Сот барысында кәсіпорын жетекшісінің лауазымды тұлғалар мен олардың туыстарының сұрауы бойынша ешқашан жұмысқа шықпаған адамдарды ресми түрде тіркеп, оларға тұрақты түрде жалақы төлеп келгені анықталды. Бұрынғы басшы осы әрекетін іске асыру үшін жұмыс уақытын есепке алу табельдері мен өзге де қаржылық құжаттарды заңсыз бекітіп отырған.

Бастапқыда бірінші сатыдағы сот айыпталушыға негізсіз рақымшылық жасау туралы шешім қабылдағанымен, көлік прокуратурасының шағымынан кейін апелляциялық алқа бұл үкімді бұзды.

Қазіргі таңда кінәлі тұлға тиісті жазасына кесіліп, мемлекет қазынасына келтірілген шығын толық қайтарылды және сот үкімі заңды күшіне енді.

Бас көлік прокуратурасы Сот шешімі ШҚО ҚАЖсервис

Бізді Google-дың негізгі дереккөздер тізіміне қосыңыз

Қосу

Шығыс Қазақстанда таныстарын жұмысқа жалған тіркеген «ҚАЖсервис» басшысы сотталды

Соңғы жаңалықтар