Су тасқыны баспана нарығына қалай әсер етті – сарапшы пікірі

Қазақстанның Біріккен риэлторлар қауымдастығы президентінің кеңесшісі Нина Лукьяненко елімізде орын алған су тасқынының баспана нарығына әсеріне қатысты пікір білдірді.

«Әзірше, баспана бағасының өзгеруіне ешқандай алғышарт байқалмайды. Мәмілелердің басым бөлігі миллион тұрғыны бар қалаларда жасалатындығын түсінген барынша маңызды. Бұл қалалардағы баға табиғи апат орын алған қалалар мен елді мекендердегі бағамен мүлдем салыстыруға келмейді. Мұның үстіне адамдарды баспанасынан айырған су тасқыны олардың өзге өңірлерден жылжымайтын мүлік сатып алуға деген материалдық жағдайларын нашарлата түсті деп санаймын», — деді ол агенттік тілшісіне берген сұхбатында.

Сонымен қатар ол баспана сатып алуды жоспарлап жүрген тұрғындарға кеңес берді.

«Егер қайталама нарықтан баспана сатып алуды жоспарлап жүрсеңіз, онда мүлік пен ұсыныстарды, бағаның төмендеуін жіті назарда ұстаған жөн. Баспана салушы компаниялардың да ұсыныстарымен жан-жақты танысып, акцияларды өткізіп алмаған дұрыс», — деді Нина Лукьяненко.