Тамара Асар президенттен құттықтау хат алғанын айтты

17 шілде 2026, 15:03 792

Тамара Асар президенттен құттықтау хат алғанын айтты — © Sputnik / Болат Шайхинов

Қазақстанның халық әртісі Тамара Асар мерейтойына орай Мемлекет басшысы Қасым-Жомарт Тоқаевтан арнайы құттықтау хат алғанын мәлімдеді, деп хабарлайды Politico.kz.

Өнер иесі бұл қуанышты жаңалығын әлеуметтік желідегі парақшасында бөлісіп, Президентке алғысын білдірді.

«Мемлекет басшысы Қасым-Жомарт Тоқаевтан туған күніме, мерейлі жасыма арнайы құттықтау хаттамасын алдым. Құттықтау хатын Алматы қаласы әкімінің орынбасары Абзал Нүкенов табыстады. Өте ерекше құрмет болды», – деп жазды Тамара Асар.

Әнші сондай-ақ шын жүректен қуанышын бөлісіп, өз атынан және отбасы атынан Мемлекет басшысына ризашылығын жеткізді. Сонымен қатар мерейтойына орай ақжарма тілектерін жолдаған барша оқырмандарына алғыс айтты.

Айта кетейік, Тамара Асар 16 шілдеде 50 жас мерейтойын атап өтті.