«Танчо ана болған соң сұлуланып кетіпті»: блогер Елдос Колобок ұлының бесік тойын дүркіретіп өткізді

Танымал блогер Елдос Колобок тұңғыш ұлына арнап бесік тойын ұйымдастырып, қуанышты сәттерімен әлеуметтік желіде бөлісті. Жылы әрі дәстүрге толы шараға жақындары мен туыс-бауырлары жиналып, жас отбасының қуанышына ортақтасты, деп хабарлайды Politico.kz

Той дастарханы молынан жайылып, тәттілерге толы қоржындар мен балақайға арналған әсем сыйлықтар қонақтардың көңілін көтерді. Ұлттық дәстүр мен заманауи стиль үйлескен бұл мереке желі қолданушыларының да ықыласына бөленді.

Блогердің жары Танчоның аналық мейірімі мен нәзік келбеті көпшіліктің ерекше назарын аударды. Оқырмандар оның ана атанғаннан кейін тіпті сұлуланып кеткенін жарыса жазып, жылы лебіздерін білдірді.

Желі қолданушылары:

«Тойда болғандай әсер алдық», «Танчо ана болған соң ерекше жарасып кетіпті», «Өзіміздің жақындарымыздай қуанып отырмыз» деп, жас отбасыға ақ тілектерін жаудырды.

Елдос Колобоктың ұлына арналған бұл бесік тойы көпшілікке жылулық сыйлап, отбасылық құндылықтың, дәстүрге деген құрметтің айқын көрінісіне айналды.