Тоқаев Путинге көңіл айтты

  Мемлекет басшысы Дағыстандағы православие шіркеуі мен синагогаға лаңкестік әрекеттер жасалып, соның салдарынан дін және құқық қорғау органдары қызметкерлерінің қаза болуына байланысты Ресей Президентіне көңіл айтты. Қасым-Жомарт Тоқаев адамзатқа қарсы жасалған мұндай әрекетті үзілді-кесілді айыптайды. Президент құқық қорғау жүйесі арқылы жедел-іздестіру шараларын жүргізуде көмек көрсетуге дайын екенін жеткізді. Еске салайық, кеше Дағыстанның Махачкала және Дербент қалаларында лаңкестер шіркеу мен синагогаға шабуыл жасады. Атыс кезінде 15 полиция қызметкері қаза тауып, 16 адам жараланды. Бұл сандар әлі де өсуі мүмкін. Дағыстанда үш күндік қаралы күн жарияланды.