Тоқаев Бішкекте өтіп жатқан VI Дүниежүзілік көшпенділер ойындарының ашылу салтанатына барды

Қазақстан Президенті Қасым-Жомарт Тоқаев VI Дүниежүзілік көшпенділер ойындарының салтанатты ашылу рәсімі өтетін «Бішкек Арена» стадионына келді, деп хабарлайды Politico.kz.

Мемлекет басшысын Қырғызстан Президенті Садыр Жапаров қарсы алды. Қасым-Жомарт Тоқаев Бішкекке Шанхай ынтымақтастық ұйымына мүше мемлекеттер басшылары кеңесінің 26-шы отырысына және «ШҰҰ+» форматындағы кездесуге қатысу үшін жұмыс сапарымен барған болатын. Сапар бағдарламасында халықаралық саммиттерден бөлек дүбірлі ауқымды спорт сайысының ашылу салтанатына қатысу да қарастырылған.

Биылғы VI Дүниежүзілік көшпенділер ойындары Қырғызстанда 31 тамыз бен 6 қыркүйек аралығында өтеді. Рәсімнен кейін негізгі жарыстар, сондай-ақ мәдени және ғылыми бағдарламалар 2–6 қыркүйек аралығында Ыстықкөл облысындағы Шолпан-Ата қаласы мен Қырчын шатқалында жалғасады. Халықаралық бәсекеге әлемнің 112 елінен 3 мыңға жуық спортшы қатысады.

Бішкек Қазақстан Қасым-Жомарт Тоқаев Қырғызстан

Тоқаев Бішкекте өтіп жатқан VI Дүниежүзілік көшпенділер ойындарының ашылу салтанатына барды

Соңғы жаңалықтар