Трамп Иранға екі апта уақыт берді

Трамп Иранға екі апталық мерзім берді: Дипломатия немесе әскери соққы

АҚШ президенті Дональд Трамп Иранға қарсы ықтимал әскери операция алдында екі апталық дипломатиялық үзіліс жариялады. Ол Израильдің соққыларынан кейін Тегеран уранды байытудан бас тартып, келіссөз үстеліне отырады деп үміттенеді.

Алайда, Иран тарапы әзірге АҚШ-пен диалог жүргізуден бас тартуда, алдымен Израильдің әскери операцияларын тоқтатуды талап етіп отыр. Соған қарамастан, Трамп Израильге қысым жасаудың орнына, Нетаньяхуға "жолды жалғастыруды" ұсынуда.

АҚШ-тың аймаққа дипломаттар жіберу әрекеті әзірге нәтиже бермеді. Ал Британ, француз және неміс делегациялары Женевада ирандық тараппен келіссөз бастамақ. Олар Тегеранды бұрын қабылдаудан бас тартқан ұсыныстарды қайта қарауға көндіруге тырысады.

Бұл арада Ақ үйде Трамп Иранның ядролық нысандарына соққы жасау мүмкіндігін әскери басшылықпен талқылап жатыр, бірақ АҚШ-ты ұзаққа созылатын қақтығысқа тартып кетуден қауіптенеді.

"Бізде дипломатиялық шешімге келуге екі апта бар", – деді Ұлыбритания сыртқы істер министрі Дэвид Лэмми.

Қазіргі кезде Ираннан ешқандай ымыра белгісі байқалмайды. Геосаяси ахуал шиеленістің жаңа кезеңіне ауысуы мүмкін.