Ұлттық атом компаниясы мүгедектер ұйымынан 8,5 млн теңгеге жиһаз сатып алмақ

ҰЛТТЫҚ АТОМ КОМПАНИЯСЫ МҮГЕДЕКТЕР ҰЙЫМЫНАН 8,5 МЛН ТЕҢГЕГЕ ЖИҺАЗ САТЫП АЛМАҚ

Threads әлеуметтік желісінде тараған скриншоттарға қарағанда, Самұрық-Қазына ұлттық әл-ауқат қорының құрамына кіретін Ұлттық атом компаниясы мүгедектер ұйымынан жалпы сомасы 8 560 000 теңге тұратын жиһаз сатып алуға тапсырыс берген.

Ақпаратқа сәйкес, тапсырыс Түркістан облысы Сауран ауданында тіркелген "Карлито" ЖШС-нан алынбақ. Бұл ұйым мүгедектер қоғамы ретінде тіркелген. Сатып алынатын жиһаз тізіміне:

• Бір жатын бөлме жиынтығы (4,2 млн теңге);
• Екінші жатын бөлме жиынтығы (3,6 млн теңге);
• Қонақ бөлмесіне арналған жиһаз жиынтығы (760 мың теңге) кіреді.

Мемлекеттік сатып алулар порталында тіркелген бұл тапсырыс әлеуметтік желі қолданушылары арасында қызу пікірталас тудырды.