Жанболат пен Жазира Дубайдан мәлімдеме жасады

Танымал жұлдызды жұп Жанболат Бақытбеков пен Жазира Байырбекова Дубай қаласынан хабар таратып, жағдайлары туралы мәлімдеді, деп хабарлайды Politico.kz.

Әншілер демалыс мақсатында Біріккен Араб Әмірліктеріне барған. Алайда Таяу Шығыстағы геосаяси ахуалдың ушығуына байланысты әуе рейстері тоқтатылып, елге қайта алмай қалған.

Жазира Байырбекова әлеуметтік желідегі парақшасында оқырмандарына үндеу жасады.

«Дайректке, WhatsApp-қа жазып жатқан туған-туыс, дос-жарандарға рақмет. Біз жақсы хабар күтіп отырмыз. Алаңдамаңыздар. Ниеттеріңізге рақмет! Алла қаласа, жақсы күнде жолығамыз», – деді әнші.

Айта кетейік, Иран, АҚШ және Израиль арасындағы шиеленістің күшеюіне байланысты Дубайға қатынайтын бірқатар рейс уақытша тоқтатылған. Осыған байланысты демалысқа барған қазақстандықтар елге орала алмай отыр.