Еліміздегі үйлердің үштен бірінің салынғанына 50 жылдан асып кеткен

Ұлттық статистика бюросы Қазақстандағы баспананың жай-күйіне баға берді.

Үй-жайдың қызмет ету мерзімі бойынша тұрғын үй қорының 29,3% астамы 1970 жылға дейін пайдалануға берілген.

1971-1990 жылдары — тағы 26,3%, 1991-2010 жылдары — 23,4%, 2010 жылдан кейін — қалған 19,5% (1,5% үйдің іске қосу деректері жоқ).

Баспананың жалпы алаңының, сонда тұратын адамдардың санына қатысы ретінде айқындалатын бір адамға шаққандағы тұрғын үймен қамтамасыз ету көлемі 2023 жылы 23,9 м² болды, бір жыл бұрын ол 23,4 м² болған.

Тұрғын үй қорының ауданы бойынша Алматы қаласы (54,8 млн м2), Түркістан облысы (34,3 млн м2) және Астана (33,8 млн м2) көш бастап тұр.

Еске сала кетейік, Қазақстанда бас-аяғы 2 527 809 тұрғын үй бар.

Баспананың түрі бойынша жеке үйлердің жалпы саны — 2 219 826. Оның 40,6% — қалалық, 59,4% — ауылдық жерлерде.

Көппәтерлі үйлердің саны — 307 983. Ондағы пәтерлердің саны — 5 891 573 болды.