«Мал бағуымыз мүмкін еді». Жазира Байырбекова өміріндегі қиындықтары туралы айтты

Әнші Жазира Байырбекова жас кезінде басынан өткен оқиғаларын туралы Мамский әңгіме жобасына берген сұқбатында айтты.

Сұқбатта әнші 18 жасында тұрмысқа шығып, ауылда тұрып, ененің қатал тәрбиесінен өткенін мәлімдеді.

«Ауылда жүрген кезде бәріне көніп жүрдім. Жұмыссыз болдық бәріміз. «Жанболат пен Жазира мал бақтыратын шығармыз» деді. Үлкендер не айтса солай болады. Мал бақтырамыз дегенде, қай ыдысты алып кетсем екен деп жүретін едім», – деп еске алды әнші сұқбатта.

Ол алғашқы отбасылы жылдары қаржылай қиындықтар көргенін жасырмады.

«Қазбек мектепте оқып жүргенде айтамын. Біздің мал бағуымыз да мүмкін еді. Өзіміздің емес, жұрттың малын. Сен малшының баласы да болуың мүмкін еді. Сондықтан «мұндай жерде тұрмас едім, деп айтуға болмайды» деймін. Менің кез келген жерде тұруым мүмкін еді. Адам ешқашан «олай етпес едім, мұндай тұрмас едім» деп айтуға болмайды… Алла Тағала бізді осы жолға әкеліп, бәрін реттеп, «сенің өмірің мынау деп көрсеткендей» болды. Қазір 45 жастан асқанда өмірдің өмірдің бақытын, рахатын енді көріп бастаған сияқтымын», – дейді әнші Жазира Байырбекова.