Мейрамбек Бесбаев той үстінде Асанәлі Әшімовке ән арнады

Әнші Мейрамбек Бесбаев актер Асанәлі Әшімовке ән арнап, құрмет көрсетті.

Ол туралы видео Instagram желісінде пайда болды. Бейнежазбадан әншінің той үстінде өнердегі ағасына ән шырқап жатқанын көруге болады. Бесбаев Ғазизхан Шекербековпен бірге «Достарға» атты әнді сөзін арнайы Асанәлі Әшімовке сай өзгертіп орындаған. Артынан Мейрамбек Бесбаев актерді маңдайынан сүйді.

Дұшпанға деген кетер бұл өкпе,

Достардың сөзі жетер жүрекке.

Бір жауым мені жер қылған кезде,

Асағам мені көтерді көкке, – деп шырқады әншілер.

Желі қолданушылары өнер жұлдыздарының өзара сыйластығына тәнті болып, оларға жылы лебізін білдірді.