«Ордабасы» мен «Ақтөбе» жанкүйерлері тағы да жаппай төбелесті

Футболдан Қазақстан премьер лигасының 18-турындағы «Ордабасы» мен «Ақтөбе» матчы қарсаңында екі команданың жанкүйерлері арасында қақтығыс болды.

Матч 1:1 есебімен аяқталды. «Ақтөбе» атынан Хосе Севальос, ал «Ордабасы» атынан Шахбоз Умаров гол соқты. Ал «Ақтөбе» жанкүйерлері төреші Бағдат Абдуллаевтың Дорни Ромероның голын есепке алмағанына наразы болды.

Telegram желісіндегі Match KZ арнасында жарияланған видеода Шымкент қаласында қос команданың жанкүйерлері арасында жанжал туындап, оның арты төбелеске ұласқанын көруге болады.

Айта кетсек, бұл екі команданың жанкүйерлері арасындағы алғашқы қақтығыс емес. Бұған дейін 2023 жылдың мамырында Шымкентте «Ордабасы» мен «Ақтөбе» жанкүйерлері жаға жыртысқан болатын.