«Перзентінің ауыртпалығымен сынамасын»: Гүлзира Айдарбекова желіде әсерлі жазба жариялады

Қазақстандық танымал продюсер Гүлзира Айдарбекова ананың балаға деген махаббаты туралы сыр шертіп, желіде әсерлі жазба жариялады, деп хабарлайды politico.kz.

Қайрат Нұртастың аналар туралы жазбасын Instagram-дағы парақшасында жариялаған. Ол анасы мен баласының арасындағы ерекше байланыс туралы айтты.

«Әрбір ананың, өз баласына деген махаббатын сөзбен айтып жеткізу мүмкін емес. Себебі ол сенің 62 тамырыңды жарып шыққан перзентің, өміріңнің жалғасы! Сол себепті де ешбір ананы Алла перзентінің ауыртпалығымен сынамасын! Өмірімнің бір бөлшегі менің оқырмандарым, әсіресе аналар, көз жастарыңыз тек қуаныштан болсын», – деп жазды Гүлзира Үсенқызы.